Wekîlanê HDPyî seba ke tecrîdê vera Rsayberê Şarê Kurdî Abdullah Ocalanî biqedo û tede pêvînayîş bêro kerdene verê Wezîrîya Edaletî de dest pê çalakîya roniştişî kerd.

Hemserekê Kongreya Komelê Demokratîkî (KCD) Berdan Ozturk û Wekîlê HDPyî Omer Ocalan, Feleknase Ûca, Dîlane Dîrayet Taşdemîr, Şevîne Coşkûn, Gulistane Kiliç Koçyîgît, Sezaî Temellî, Abdûllah Koç, Nûrane Îmîr, Huseyîn Kaçmaz û Erdal Aydemîrî çalakîye de ca girewt.

Heyet nêzdîyê Wezîrîya Edaletî de hetê polîsan ra ame astengkerdene. Wextê rayraşîyayîşî de dowîzê ni nuşteyê 'Tecrîd sûcê vera merdimatîye yo', 'Wa Îmrali de huqûq bêro caardene' û 'Avûkatî wa şorê Îmraliyî' akerdî.

Badê rayraşîyayîşî çalakîya roniştişî ameye kerdene û heyetî çalakîya roja verêne qedînaye.

Wekîlê HDPyî seba ke tecrîdê Îmraliyî cade bêro qedînayene do verê Wezîrîya Edaletî de çalakîya bidor û bêdemî bidomnê. Wekîlî do her roje mabênê saetanê bewlîkerdeyan de verê wezîrîye de bî.