Wekîlê AKPyî Tamer Akkalî pê Selahattîn Demîrtaş û domananê ci heqaret kerd. Hemserekanê HDPyî Pervîne Buldan û Mîthat Sancarî derheqê mesele de eşkerayîyêke daye û vera wekîlê AKPyî nêrazîbîyayîşê xo mojna.

Eşkerayîye wina ya: ''Heqaretê Tamer Akkalî nênê qebulkerdene. Heqê pêvînayîşî yê Selahattîn Demîrtaş û pêro tepişteyan bi bahaneya Korona yenê astengkerdene. Pêvînayîşê Selahattîn Demîrtaşî yê bi domananê xo ame astengkerdene. Tamer Akkalî na mesele ser o twitter de pê Selahattîn Demîrtaşî heqaret kerd. Nêrazîbîyayîşan ra dima Akkalî twitê xo wedarit. Akkalî îdîa kerd ke şêwirmendê ci mesuldarê nê kerdişî yo.

Nuştişê Akkalî erjanê merdiman binpay kenê û ziwanê nefretî geş keno. Vatişê ci bêmerdimîye û skandal ê. Selahattîn Demîrtaş îradeyê 6,5 mîlyon merdiman o. Demîrtaş û sîyasetmedarê têpişteyî rûmetê ma yê. Ma derheqê Akkulî de muracatê huqûqî kerd.''