Hemserekanê Pêroyîyan ê HDPyî Pervîne Buldan û Mîthat Sancarî bi wesîleya serrgêra Qirkerdişê Kerbelayî eşkerayîyêke weşanaye.

Eşkerayîye de wina ame vatene: ''Hz. Huseyîn 1340 serrî verê cû 72 embazanê xo reyde Kerbela de vera îqtîdarê emewîyan xo ver da û seba ke vera Yezîdî sere wedarit ame qetilkerdene. Hz. Huseyîn Kerbela de bi sembolê xoverdayîşî yê şaranê mazlûman.

Şarê ke no tewirê Huseyînî xo rê kerd mîras hetê îqtîdarî ra seke çin ê ameyî hesibnayene û raştê teda, zulm û qirkerdişan ameyî. Coka wezîfeyê ma yo ke ma vera Yezîdan bi tewirê Huseynî vera faşîzmî azadî, haştîye, têdûştî û edalet bipawê.''

Eşkerayîye de qurbanê Kerbelayî zî ameyî yadkerdene.