Rêxistina HDPyî ya Îstanbulî derheqê serbestveradayîşê hêrişkarê faşîstî Muhammed Eren Sutçuyî de eşkerayîye daye.

Eşkerayîye de nê ameyî vatene: ''Hêrişkar Muhammed Eren Sutçuyo ke bi waştişê qirkerdişî banê ma yê Bahçelîevlerî de hêriş kerd wextê nezaretî ra yeno pawitene û  ewro bi qerarêke skandalî serbest ame veradayene. Sey tim reyna huqûq ame binpaykerdene. Hêrişê vera HDPyî yo ke hetê mîlyonan ra yeno vîjnayene û partîya hîrêne ya welatîya, yeno meşrukerdene. Îqtîdaro ke vera partîya ma polîtîkaya bêcezaverdayîşî rayra beno berpirsîyarê heme hêrişan o. Bi nê qerarî reyna paştî dîyaye hêrişkaran. Ma do rixmê heme hêrişan milê xo çewt mekerê. Ma sey HDPyî nê tewirê meşrukerdişê kiştoxan qebul nêkenê. Ma do teqîpkarê na dewa bi.''