Heyetê Rayberdişî yê Merkezî yê HDPyî derheqê destbendkerdişê Omer Faruk Gergerlîogluyî de eşkerayîyêke daye.

Eşkerayîye de ame vatene ke îqtîdarê AKP-MHPyî dişmenê demokrasî yo, darbekar o û pê pêro îmkananê xo şarî rê zulmî keno. Eşkerayîye wina dewam kena: ''Ma darbeya 94î de rewşêka winasêne dîye. Îqtîdarî 27 serran ra dima heman şerm ard Tirkîya ser. Îqtîdar wazeno pêro welat binê tarîtîye de verda. HDP mîyanê pêro şert û mercan de rewşa xo ya sratejîke paweno û wayîrê ê hêzî yo ke Tirkîya rê alternatîfêk pêşkêş bikero. No tewiro darbekar ê îqtîdarî têna adirê Newroze geş keno. Nê hêrişî seba partîya ma û şarê ma do bibê sebebê xoverdayîşî. Ma do tim xo ver bidê. HDP tek hêz o ke welat aram bikero û tede demokrasî awab bikero.''