Heyetê Rayberdişî yê Merkezî (MYK) yê HDPyî derheqê mergê Ebru Tîmtîk de eşkerayîyêka nuştekîye daye. Eşkerayîye wina ya:

''Ma eşnawit ke avûkate Ebru Tîmtîk dinyaya xo bedilnaye. Helîn Bolek, Îbrahîm Gokçek û Mustafa Koçak ra dima Ebru Tîmtîk zî netîceya polîtîkayanê mergî yê îqtîdarê AKPyî de merde. 

Çend reyî ma seba Ebru û Aytaçî qerqilîyayî. Cengê Ebru yo ke seba hukmkerdişêkê edîlî rojeyê mergî de bi, bi vengê mîlyonan kesan. Ebru têna seba xo nê seba her kesî edalet waştêne. No merg rîyê bêhîsgerî û peygoşîya hukmatî ra qewimîya.

Ma hukmatî rê vengdayîşê lezabezî kenê ke tehamulê ma pê merganê neweyan nêmend. Cade Aytaç Unsal vera bidê, ganî waştişê hukmkerdişê edîlî bêro caardene û  Aytaç nêweşxaneyêkê holî de bêro weşkerdene. Ma venga rayaumûmîye danê ke ma pîya Aytaç bidê ciwîyayene, Aytaç wijdanê îqtîdarî rê meverdê û bi hawayêkê hîsgerî têbigêrê. 

Ma dejê Ebru ancenê. Ma keye, dostan û Buroyê Huqûqî yê Şarî rê serweşîye wazenê. Ma soz danê ke ma alaya edaletî yê Ebru Tîmtîk bi çêrêkê pîlî berz bikerê, bi rûmetêkê pîlî zî darde bikerê. Ma do bi hîşmendîya waştişê aye yê edaletî têkoşînê edaletî pîya bidê dewamkerdene.''