Serra 1983î de Saddam Huseyînî Başûrê Kurdîstanî de Qirkerdişê Enfalî dabi destpêkerdene. Qirkerdiş de tewr tay 182 hezar kesî kişîyayî. HDPyî pê eşkerayîyêke qurbanê qirkerdişî yad kerdî.

Eşkerayîye bi kilmî wina ya: ''Qirkerdişê Enfalî trajedîyanê tewr pîlan ê tarîxî ra yew o. Hema zî dejê nê qirkerdişî teze yê. Iraqî Qirkerdişê Helebçe yo ke beşêkê Enfalî yo sey jenoside şinasna la mesuldarî bi temamî ceza nêkerdî. Reyna Îngilîstan, Swêd û Norweç zî no kerdiş sey qirkerdiş qebul kerd la hêzê mîyanneteweyî û dewletê herêmî yê ke mesuldarê nê qirkerdişî yê hema hesab nêdanê.

Pê Qirkerdişê Enfalî ame waştene ke kurdî bêrê çinkerdene. Ewro nê xîretî pê hêrişanê îşxalî dewam kenê. Kurdê ke Qirkerdişê Enfalî ra dima welanê xo ra newe ra gandar bîyî nika Rojhelatê Mîyanênî de hêzê tewr aktîf ê. Naye ra pey zî qirkerdişî do pê kurdan nêeşkê. Ma qurbananê Qirkerdişê Enfalî yad kenê û nê sûcê merdimîye şermezar kenê.''