Komîsyonê Ziwanî yê HDPyî Wanî ra dima Amed de zî vera hêrişanê serê kurdkî nuştox û rojnamegeranê kurdan reyde ronişt. Kombîyayîş otêlêka Sûrî ya Amedî de virazîya. Hetkarê Hemserekanê HDPyî Tayyîp Temel, Endamê Heyetê Îdareyê Merkezî Omer Onen, Wekîle Dersime Dag û Îmam Taşçier, xeylêk nuştox û rojnamegerê kurdî û temsîlkarê dezgeh û rêxistinan tewrê kombîyayîşî bîyî.

Temelî vat ê seba cewabê persê 'ma eşkenê se bikerê' ameyî pêser, têkoşînê vera hêrişanê serê sîyasetmedaran ê kurdan vist vîrî. Temelî pare kerd ke ewro xebatê yewîya neteweyî binê tehlukeyî de yê û yeno waştene ke sîyasetê kurdan bêro sûrkerdene.

Temelî vat: ''Her parçeyê Kurdîstanî de vera kurdkî, kurdan hêrişî estê.  Ma vera nê hêrişan ganî goş bidê şima. Xebatê kurdkî û kurdayetîye hetê qeyûman ra yenê astengkerdene, dezgeh û rêxistinê ziwanî yenê qefilnayene. Vera naye ganî ma ziwanê xo bipawê û aver berê. Ma sey HDP seba ney do mesuldarîya xo bîyarê ca.''