Heyetê Rayberdişî yê Merkezî yê HDPyî derheqê serrgêra Komployê Mîyanneteweyî yê Rayberê Şarê Kurdî Abdullah Ocalanî de eşkerayîyêke weşanaye.

Eşkerayîye bi kilmî wina ya: ''Komployê 15ê Sibate yê vera Abdullah Ocalanî vera cuya azade ya şaranê herême planêko hira yo.Seba ke meseleya kurdan û meseleyê bingeyî yê Tirkîya û Rojhelatê Mîyanênî çareser nêbê no kay ame kaykerdene.

Ocalanî waştêne şarê Rojhelatê Mîyanênî pîya biciwîyê û la hêzanê ke Ocalan herême ra vet Rojhelato Mîyanên kerd cayê kaosan. Sîstemê Îmraliyî sîstemêko winasên o ke tede qanûn, huqûq çin ê. Nê sîstemê tecrîdî çareserîy demokratîke û haştîyane ya dewaya kurdan xo rê kerd hedef.

Tepişteyê sîyasîyî seba ke bale biancê tecrîdî ser 80 rojî yê grevê vêşanîye de yê.Ganî merdimî û wayîrê wijdanî goş bidê vengê zîndanan. 

Tewirê vera tecrîdê Îmraliyî û têkoşînê vera tecrîdî têkoşînê vera krîzan o. pê Komployê 15ê Sibate şar û Rojhelato Mîyanên bîyî hedef.  Ma nê polîtîkayanê kaosî û hêrişî nalet kenê.''