Heyetê Rayberdişê Merkezî yê HDPyî derheqê hêrişanê îşxalî yê dewleta tirke yê vera Başûrê Kurdîstanî eşkerayîyêke daye.

Eşkerayîye de ame vatene ke Tirkîya binê nameyê 'asayîşê sînorî' de erdê Herêma Kurdîstanî de operasyonê hewa û erdî da destpêkerdene û no operasyon pîlkerdişê şerî ra ber çîyêkî rê fayde nêkeno. 

HDPyî vat: ''38 serrî yo bi israrî yeno waştene ke pê şerî netîce bêra girewtene. Şarê herême wazeno wa operasyon biqedo. Sebebo raştikên ê operasyonê leşkerî çinhesibnayîşê alternatîfanê sîyasîyan ê meseleya kurdan  û polîtîkaya şer û asayîşî de israr o. Çinhesibnayîşê alternatîfan meselayan û krîzan xorinêr keno. Ganî bingeyê haştîye û demokratîkî ser o dîyalogî bêrê kerdene. Ma venga dezgehan û rayaumûmîye danê ke na babete de wa mesuldar bibê.''