Hemvervatoxanê Heyetê Îdareyan ê Herêmîyan ê Demokratîkan ê HDPyî Hedîye Karaaslan û Salîm Kaplanî derheqê destsernayîşê Şaredarîya Gîyadînî de eşkerayîyêke daye. Eşkerayîye de ame vatene ke weçînayîşê 31ê adara 2019î de şarê Gîyadînî îradeyê xo mojna la hîşmendîya faşîzane pê naye qîm nêkerd.

Eşkerayîye de ame vîrvistene ke Hemşaredara Gîyadînî Betule Yaşar pê pêrodayîşî ameye destbendkerdene û ame vatene: ''Gîyadîn de hêriş vera şaredarîya şarî, demokrasîyî ame kerdene, hêriş vera cinîyan ame kerdene. No rejîm hînî berê şaredarîyan zî şikneno. Pê şiknayîşê beran îradeyê şarî nêno teslîmkerdene.''

HDPyî venga her kesî da ke vera nê sûcê merdimîye vengê xo berz bikero û heta ke darbeya 'tayînkerdişê karmendan ê herinda şarî de' biqedo têkoşîn her ca de berz bikero.