Heyetanê Rayberdişî yê HDP û HDKyî seba serrgêra Qirkerdişê Armenîyan eşkerayîyêka nuştekîye daye.

HDPyî vat: ''Tirkîya 106 serrî yo Qirkerdişê Armenîyan qebul nêkerdo. Sûco ke nêame qebulkerdene dibare bi û heta ewro ame. Sûco pîl bêceza mend.Qirkerdişê Armenîyan verî meseleyêka merdimîye, huqûqî û komelkî yo, nê erdî ser o qewimîya. Ganî reyna nê erdî ser o edalet bêro caardene.''

HDKyî vat: ''Qirkerdişê vera armenî û sûryanîyan hema zî dewam keno. Seba ke peynîya înkarê qirkerdişî bêra ganî heqê hemwelatîbîyayîşî yê mexdûran bêra dayene, malê înan apey bêrê dayene, înkarê qirkerdişî sey sûc bêro dîyene û seba ke rêçê qirkerdişî biqedê têkoşîn bêro kerdene.''