HDPyî peynînameyê kombîyayîşê Meclîsê Partîye yê 10ê çeleyî  eşkera kerd. Peynînameyî ra tay qismî wîna yê:

''Hukmatê AKP-MHPyî ke her hetî ra kriz de yo vera partîya ma hêrişêko newe da destpêkerdene. Çarçewa cipêrsayîşê Kobanê de bi destê huqûqî hêrişê faşîzmî yenê kerdene. Seba ke polîtîkaya AKPyî ya Sûrîye  û Rojhelatê Mîyanênî bin kewt û vîjnayîşê 7ê hezîrane vînî kerd hema dejê nayî ancenê. Hukmat seba ke HDPyo ke hêzê xo şarî geno ra terseno wazeno bêtesîr bikero. Nê hêrişî şexsê HDPyî de mîlyonan rê yenê kerdene la rixmê heme hêrişan do verê xoverdayîşî azadîye û demokrasîyî nêro girewtene. Demo kilm verê cu Mehkemeya Heqanê Merdiman a Ewropa derheqê Selahattîn Demîrtaşî de qerarêko tarîxî da ke no heme dewayê ke 2014î ra nata vera partîya ma ameyî akerdene pûç vetî.

Zîndanan de tepişteyan vera tecrîdê serê Rayberê Şarê Kurdî Abdullah Ocalanî û binpaykerdiş heqanê merdiman ê tepişteyan grevê vêşanîye da destpêkerdene. Seba ke waştişê tepişteyan bêrê caardene partîya ma vera tecrîdê Îmrali û binpaykerdişê heqanê tepişteyan do dest pê kampanya bikero. Karê ma yo tewr muhîm do demê verê ma de no bo.

Îqtîdarî demê pandemî zî goreyê xo şuxulna û polîtîkayanê ci yê weşîye bi sebebê mergê  kedkaran û feqîran. Reyna yewbîyayîşê krzî û pandemî şîdetê vera cinîyan zî zêdîna. Bi qanûna neweyan heqê dezgehanê komelê sîvîlî destê înan ra ameyî girewtene. Hetê bînî ra vera xoza zî tim polîtîkayê talanî yê hukmatî dewam kenê. HDP do tim kişta şarî de vera faşîzmî xoverdayîşî rê dewem bikero.''