Hemvervatoxê Komîsyonê Polîtîkayanê Komelkî û Weşîye yê HDPyî Dr. Samet Menguçî bi eşkerayîyêke vist vîrî ke kedkarê weşîye 8ê sibate de seba waştişanê xo yê meşrûyan kar war verdê.

Menguçî da zanayene ke îqtîdar kedkaranê weşîye sey makîneyan hesibneno. Menguçî îfade kerd ke kedkarê weşîye şew û rojan xebitîyenê la meaş û heqê înan  ê komelkî bi qîmî nênê dayene.

Menguçî vat: ''Ma sey HDPyî waştişanê kedkaranê weşîye meşrû vînenê û sey waştişanê xo qebul kenê. Ma paştî danê çalakîya 8ê sibate û venga pêro hemwelatîyan danê ke paştî bidê na çalakîye.''