Şaredarîyê Bajaranê Pîlan ê Amed, Wan û Mêrdînî hetê Wezîrîya Karanê Zereyî ra  ameyî xespkerdene û bi desan bajaran de vera HDP’yî operasyonê destbendkerdişî ame kerdene. Tewr tay 418 kesî ameyî destbendkerdene.

Hemserekê HDP’yî Bajarî Hulya Alokmen Ûyanike û Zeyat Ceylan ê ke derheqê înan de qerarê destbendkerdişî esto, polîsan eşt keyeyê înan ser la ê keye de nêbî. Serekê Komeleya 78’an ê Şûbeyê Amedî Ganî Alkan sereştişê keyeyê xo de ame destbendkerdene. Goreyê eşkerayîya Wezîrîya Karanê Zereyî 29 bajaran de 418 kesî ameyî destbendkerdene. Ame vatene ke operasyonî dewam kenê. Yeno pawitene ke hûmare hîna bizêdîye. Goreyê zanayîşan bitaybetî Amed, Wan û Mêrdîn de endamê Meclîsê Şaredarîye yê HDP’yî ameyî destbendkerdene.

Kesê ke ameyî destbendkerdene nameyê tayînan wina yê: Heyetê Rayberdişî yê Merkezê DBP’yî Sevîm Bîçîcî, îdarekarê HDP’yî yê Bajarî Kadîr Înanir, xebatkarê şaredarîye Şîyar Dag, îdarekarê DBP’yî yê Bajarî Hayrî Etyemez û Fûat Yalçin, endamê Meclîsê Şaredarîya Bajarê Pîlî Mehmet Akdogan, Ceylan Arslane, pawitoxe Gulîsten Ataşe, Şahîn Saglam, hetkarê Sekreterê Pêroyî yê Şaredarîya Bajarê Pîlî Mûrat Emînoglu, endamê Meclîsê HDP’yî Mesût Bagcik, Edîp Bînbîr, Mûstafa Akengîn, Mahmût Korkmaz, Feyzî Işik û sereka Daîreyê Polîtîkayanê Cinîyan ê Şaredarîya Bajarê Pîlî  Selda Barane, endamê merkezê HDP’yî Bûrhan Karakoç, Avnîye Tanrikûlû, îdarekarê HDP’yî yê Bajarî Alî Îhsan Karahan û hetkarê hemsereka/ê Pêroyî yê DBP’yî  yê Bajarî Halîde Turkoglu ameyî destbendkerdene. Qezaya Çinarî de endamê HDP’yî  Mahmût Ûlûs û Fevzî Demîrkan, endamê HDP’yî Bîsmîlî Lokman Bozkur, endamê Kongreya Îslamî ya Demokratîke (DÎK)  Naîg Erdem, hemserekê Şaredarîya KayapinarîDavût Kesen û endamê meclîsî Nûşen Akbale.