Partîya Demokratîke ya Şaran (HDP) verê 1ê Êlule Roja Haştîye ya Dinya Deklarasyonê Vengdayîşê Haştîye eşkera kerd.

Deklarasyon hetê hemserekanê pêroyî Pervîne Buldan û Mîthat Sancarî bi ra meclîs de bi kombîyayîşê çapemenîye ame eşkerakerdene. Deklerasyono ke bi pîrozkerdişê 1ê Êlule Roja Haştîye ya Dinya dest pêkeno ra tayî nuqtayî wina yê:

''Îqtîdarî bi şerê zereyî û teberî welat fînayo mîyanê kaosî. Sere de destkewteyê şarê kurdî heme komel yeno hedefgirewtene.  Xetayo pîlo ke herinda şerî de heta ewro polîtîkayê haştîye nêameyî ceribnayene. Sey herra ke hesretê awe ya welatê ma zî hesretê polîtîkayanê haştîye yo. Şar aktoranê sîyasîyan ra haştîye wazeno. Bêrê ma pêro pîya xirs, kîbîr, karê partîyan ca verdê û haştîye ronê. Meseleya kurdî nuqtaya ke tede ya çareserî nîşan dana. Heta ke pêkewtişî dewam bikerê Tirkîya zî her hetî ra hêzanê globalan rê hewcedar manena.   Mesela meselaya ma ya gerek na herre de nê welat de bêro çareserkerdene.

Hînî çew/e nêeşkeno çareserîye ra biremo. Hînî dayo çalê qirrike. Gerek îqtîdar waştişê şerî û polîtîkayanê bêçareyî caverdo. Tecrîdê Îmrali verê haştîye de astêngêko pîl o. Birêz Ocalan vano eke îmkanî bibê ez do hewteyêk de vengê çekan bibernê. Gerêk verê ey bêro akerdene ke rolê xo kay bikero. Meselaya kurdî zaf muhîma û gerek têna însafê dewlete û îqtîdarî rê nêro verdayene. Partîyê muxalefetî ke zere û teberê meclîsî de yê rojanê peyênan de eşkerayîyê ke derheqê çareserî de dayê muhîm ê. Gerek partîyê muxalefetî semedê çareserî fîkranê xo eşkera vejê.

Na çarçewe de ma veng danê dezgeh û rêxistinanê komelê sîvîlî, roşnvîran û rîsipîyan zî ke wa semedê verê haştîye akerdişî gamêke bierzê. Bi na wesîle ma vanê ke Tirkîya de Têgêrayîşê Haştîye yê Pîlî rê hewcedarî esta. Ma veng danê heme akademîsyen, hunermend û roşnvîrnê ke wa her wextî ra zafêr semedê haştîye xîret bikerê. Na têna meseleya HDP û kurdan nîya.  Demokrasî û têkoşînê haştîye têzere de yê. Çareserîya meseleya kurdî çarkerdişê meseleya demokrasî yo. Rixmo ke hemserekê ma Fîgene Yuksekdag û Selahattîn Demîrtaş zî tede bi hezaran îdarekarê ma zîndna de sey rehîn yenê tepiştene, ma peyser game nêeşte do merzê. Ma pê bawerê ke ma pêro pîya eşkenê ser bikewê.''