Partîya Demokratîke ya Şaran (HDP) semedê linga dîyin a Prgoramê Têkoşînê Demokrtîkî verê Berê Çapemenî yê Meclîsî de eşkerayîyêke daye.

Eşkerayîyîya çapemenîya ke Hemserekê Pêroyî yê HDPyî  Pervîne Buldan û Mîthat Sancarî û parlamenterî tewrê ci bîyî de derheqê detayanê Têhetameyîşanê Demokrasîyî de zanayîş dîya.  Eşkerayî pê onliganê 'ma pawitişî pawenê'  bale ameye antene babeta baroyan ser. Eşkerayî hetê Mîtat Sancarî ra ameye wendene.

Sancar nê vatî:  ''Armancê ma oyo ke  îtîrazê bêedaletîye xo yê  ke ma  rayraşîyayîşî de ramojna, ma  bi têhetameyîşan biçarnê hêzê ronayîşê edaletî. Semedê ronayîşê demokrasîyî ma yenê têhet. Ma vera feqîrîye û  kolonyalîzmî vejîyenê, semedê seycîyeyîye yenê têhet. Ma vera zextî û qedexeyan vejîyenê, semedê azadîye şaran û seycîyeya îtîqatan yenê têhet. Ma vera talankerdişê xoza vejîyenê, semedê ronayîşê komelêkê ekolojîkî yenê têhet. Ma vera zîhnîyetê qesasî yê nê îqtîdarî vejîyenê, semedê heq û huqûqî yenê têhet.''

Sancarî semedê xurtkerdişê têkoşînî veng da hêzanê demokrasîyî û nê vatî: ''Têna vervejîyayîş qîym nêkeno, ganî ma bibê hêzê ronayîşî. Ma veng danê heme hetan ke bawerîya ci edaletî rê esta û demorasîyî wazenê, bêrê ma pêro pîya vera zextan semedê nefesgirwtişî tê bigêrê. Ma  pêro pîya bibê hêzê ronayîşê azadîye, demokrasî, edaletî û tewr muhîm zî hêzê ronayîşê haştîye. Ma do têhetameyîşanê xo de bi ekolojîstan, grûbanê îtîqatî, cinî û ciwanan bêrê têhet û nê hêzî ronê. Leweyê nê rayîrî do haştîye rê vejîyo. Bêrê ma pêro pîya wina biqîrê 'ma şer nêwezanê haştîye nanê ro.' Têhetameyîşê hêzanê demokrasî do bibo ûmidêko newe. Semedê serekwtişî ganî ma hêzê xo bikerê yew.''