HDPyî dokumentê xo yê tewirî eşkera kerd

HDPyî dokumentê xo yê tewirî eşkera kerd û venga pêro hêzanê demokrasî û hêzanê muxalefetê komelkî da ke bêrê yewca.

Hemserekanê HDPyî Pervîne Buldan û Mîthat Sancar bînaya HDPyî ya Îstanbulî de pê kombîyayîşêkê çapemenîye dokumentê xo yê tewirî eşkera kerd.

Dokument de ame vatene ke Tirkîya nêzdîyê krîzê tewr cidîyî yê tarîxê xo bena. Dokument wina dewam keno: ''Prosesê vîrusê Korona de polîtîkayanê Erdoganî kerd ke krîz, xizanî, bêkarî û teda zêdêr bibê. Ma sereyê xo nêanê war. Eke şarê ma mil bi mil bidê eşkenê îmkan û firsendanê nê krîzî ra îstîfade bikerê. Çimeyê nê krîzî no yo ke îmkanê komelî pêşkêşê tay kesan ameyî kerdene. Sîstemê Serekkomarîye çimeyanê verênan ê krîzê sîyasal û bêçareserî yo.

HDP venga pêro hêzanê demokrasîyî û hêzanê muxalefetê komelkîyî dano ke na rewşe bivurnê, îtîfaqê demokrasîyî newe ra awan bikerê.''

Dokumentî de seba 9 esasan veng ame dayene. Dokumentê tewirî yê HDPyî de seba heq û edaletî, seba demokrasîyî, seba çareserîya demokratîke ya meseleya kurdan, seba qedînayîşê şeran, seba kar û debarî, seba pêro cinîyan, seba xoza û cuyevenga ame vengdayene ke esasê îtîfaqê demokrasîyî ser o pîya têkoşîn bêro kerdene û bi xurtî ame vatene ke cuyêka newe bi nê hawayî munkîn a.