Meclîsê Ciwanîye yê Partîya Demokratîke ya Şaran (HDP)  derheqê rewşa ciwanan ê serra 2020î de rêxitina Îstanbulî de raporêk eşkera kerd.  Rapor hetê Wekîla HDPyî ya Amedî Dersme Dag ra ame wendene.

Dage verê wendişê raporî vat ê nêrasayî doneyanê raştikan la rixmê heme zehmetîyan înan raporêk amede kerd. Dage ard ziwan ke goreyê doneyanê parî 4 ciwanan ra yew bêkar o. Reyna ciwanê ke unîversîte ra mezun bîyî înan ra zî se ra 20 bêkar ê.

Dage vat: ''Kurdîstan de pê destê qayûman Merkezê Kultur û Hunerî yê Ciwanan ê ke înan tede perwerdeyo profesyonel girewtêne ameyî qefilnayene ya zî waqif û cemeatanê ke paştgêrê AKPyî yê înan rê ame peşkeşekerdene. Bitaybetî dezgehê ke vera pabestîyîya maddeyî têkoşîn kenê pê destê qayûman ameyî bêtesîrkerdene. Keyeyê paştdayîş û pewerdeyî  û merkezê atkîvîteyanê sosyalan û hetkarîya ciwanan ameyî qefilnayene. Projeyê sosyalê ke binê serbanê şaredarîyan de semedê astengdaran û ciwaman ameyî destpêkerdene ameyî betalkerdene. Reyna kampê hamanî yê ciwan û domanan û festîvalê kultur hunerî ameyî betalkerdene. Ciwanî hetê qeyûman ra bi hewayêkê sîstemkî waqif û tarîqatanê hukmatî rê yenê mehkumkerdene. Semedê gurevînayîş û îmkananê bînan ra feydekerdiş ,krîterê ''paştgêrîya AKPyî'' esto.''

Dersime Dag da zanayene ke 2020 de 284 cinîyî hetê camêrdan ra ameyî qetilkerdene, 265 domanî raştê hêriş cinsî ameyî, 26 domanî ameyî qetilkerdene, 255 cinîyî bi hewayêkê şikdarî merdî,96 cinîyî raştê tecawuzî ameyî,  147 cinîyî raştê tacizî ameyî, 792 cinîyî raştê şîdetî ameyî.

Daqe vat: Aktîvîte û çalakîyanê 2020î de netîceya hêrişê polîsan de tewr tay 2 hezar 90 kesî raştê îşkenceyî ameyî. Tewr tay 160 kesî hetê polîsan û înanê ke xo sey îstîxbaratkeran da naskerdene ra ameyî remnayene ke zafê înan ciwan ê. Baldaro ke ciwanê ke ameyî remanyene ya wendekar ya zî xebetkarê partîyanê sîyasîyan ê. Endamê Meclîsê Ciwanîye yê HDPyî timûtim yenê remnayene. Îstanbul, Amed, Agirî, Wan û tewr peynî de zî Anqara de embazê ma ameyî remanyene. Hukmat wazeno ke rîyo sîya yê serranê 90an JÎTEMî newe ra ganî bikero. Ganî vera nê polîtîkayanê leyşinan sere de ciwanî her kes têkoşîn bikero.''