HDPyî rojnamegerê ke ameyî qetilkerdene yad kerdî. Eşkerayîye hetê Hetkarê Hemserekanê Pêroyîyan ê HDPyî yê Propaganda û Weşanê Çapemenîye ra Berpirsîyar Tayîp Temelî ra dîyaye.

Eşkerayîye de ame parekerdene ke Tirkîya de rojnamegerî binê gefanê îqtîdarî de yê û tim mergî reyde têrî benê. Eşkerayîye de ame parekerdene ke karê rojnamegeran pawitişê menfatanê şarî yo û rojnamegerî ganî kerdişanê xiraban ê cergan, nîjadperestan, burokratan û sîyasetmedara eşkera bikerê.

Eşkerayîye wina dewam kena: ''Tirkîya de îqtîdar nêwazeno rojnamegerî wa azad bê. Çunke xeylêk zûr û xirabîyê nimiteyî yê îqtîdarî estê.  Îqtîdar wazeno rojnamegerî wa menfatanê înan bipawê la rojnamegerî gamêke apey nêerzenê û raştîyan eşkera kenê. Ma hetê ê rojnamegeran de yê ke menfatanê îqtîdarî nê ê şarî pawenê. Hasan Femîyî ra heta Metîn Goktepe, Gurbetellî Ersoz, Hrant Dînk, Apê Mûsa û Abdî Îpekçî ma pêro rojnamegeranê ke ameyî qetilkerdene bi rêzdarî yad kenê û ma verê mîrasê înan de rîyê xo anê war.''