29ê kanûne de edlîyeya Îzmîrî de do roniştişê dewaya kiştox Onur Gencero ke hêrişê banê HDPyî yê Îzmîrî kerd û Denîze Poyraz qetil kerd, bêro kerdene. Rêxistina HDPyî ya Îzmîrî semedê tewrbîyayîşê roniştişê dewa eşkeraya çapemenîye kerde. Wekîlê HDPyî yê Îzmîrî Serpîle Kemalbay û Murat Çepnî, hemserekî û îdarekarê partîye yê Îzmîrî zî tewrê eşkerayîye bîyî.

Hemsereka HDPyî ya Îzmîrî Besrîye Tekgur vat: ''Ma qetilkaranê Denîze Poyraze  nas kenê. Qetilkarî êyê ke verê berê ma de xeyme naya ro û ma sey hedefî ramojnenê. Ma do 29ê kanûne de saete 09:30 de verê banê edlîye de eşkerayîye bidê. Genî her kes tewrê eşkerayîye û roniştişê dewa bibo.''

Serpîle Kemalbay  zî semedê tewrbîyayîşê roniştişê dewaya Denîze Poyraz veng da û vat: ''Hukmê qesrî wazeno ke serê dewa bigîro. Ma do destûrê naye medê. Bitaybetî rêxitinê cinîyan do wayîrê aktîvîste Denîze Poyraze bivejîyê û tarîtîya Tirkîya roşn bikerê.''

Murat Çepnî zî vist vîrî ke no qirkerdiş bi destê dewlete ame kerdene û vat: ''Ganî 29ê kenûne de heme hêzê demokrasî û azadîye ganî wayîrê na dewa vejîyê. Ganî ma vejîyê verê qetilkaran û hesab bipersê. Ganî ma sozo ke dayo Denîze bîyarê ca û sîyasetê qirkerdişî rê vajê bes o.''