Heyetê Rayberdişê Merkezî (MYK) yê HDPyî alozîya Ukrayna-Rûsya ser o eşkerayîyêke daye.

Eşkerayîye wina ya: ''Alozîya ke 2014 ra nata mabênê Ukrayna û Rûsya de esta, ewro berê şer û felaketanê pîlan akerd. Serebûtê Ukrayna têna alozîya di cîranan nê çembero peyên ê têkoşînê serdestîye yê NATO û Rûsya yo.

Ma mudaxeleyê leşkerî yê Rûsya bi hawayêkê qetî red kenê. Ma venga Rûsya danê ke goreyê Peymana Minskî têbigêra, operasyonanê leşkerîyan vindarna û û rayîrê muzakere newe ra abikera. Ma venga hukmatê Ukrayna zî danê ke xîretanê seba zêdînayîşê alozîye ra fek vera bida.

Ma venga hukmatê AKP-MHPyî danê ke pêro mesuldarî û selahîyetanê ke Peymana Pirdan a Montroyî danê, bîyarê ca.

Ma sere de AGÎT û Neteweyanê Yewbîyayeyan venga pêro dezgehanê mîyanneteweyîyan danê ke seba ke sivîlî bêrê pawitene û verê trajedîyan bêro girewtene înîsîyatîf bigêrê.''