Bi vengdyaîşê Yewîya Tabîban a Tirkîya (TTB) Roşanê 14ê Adare yê Tipî  çalakîya gure caverdayîşî ya di rojan dîyaye destpêkerdene. Çalakîyan de eşkerayîye Serekkomarê Tirkî Tayyîp Erdoganî yê ke doktaran hedef genê  û polîtîkayê îqtîdarî yê weşîye ameyî protestokerdene.

 Ankara, Îstanbul, Îzmîr, Amed, Dêrsim, Şirnex, Mêrdin, Êlih, Riha, Adana, Mersin, Antalya, Hatay, û xeylêk bajaranê bînan ê Kurdîstan û Tirkîya de doktoran verê nêweşxaneyan û dezgehanê tibî de bi eşkerayîyan derheqê tengayanê ke ance û grevê xo de zanayîş da. Doktoran vat ê sîstemêkê weşîye wazenê ke bieşkê bi biciwîyê û heta waştişê înan bêrê ca do têkoşînê înan dewam bikero. Doktoran Îqtîdarê AKP-MHPyî yo ke heqanê înan xesp keno, protesto kerd Çalakîyan de veng dîya komelî ke wa paştî bido înan û mesajê 'ti gereka şirî'' dîya Erdoganî.

Badê grevê doktoran Erdoganî ke semedê Doktoran vatbi '' Eke şinê wa şirê'' peyser game eşte. Erdogano ke tewrê aktîvîteyêke Roşanê 14ê Adare yê Tipî bi na rey vat: ''No welat hem deyndar hem zî hewceyê hekîman o.''