10ê teşrîna verêne ya 2023yî de paytextê Fransa Strasbourg de hemleya Abadullah Ocalanî rê azadîye, meseleya kurdan rê çareserîya sîyasîye dîyaye destpêkerdene. Bi wesîleya serrgêra hemle mabanê 1-10ê teşrîna verêne do çalakîyî bêrê kerdene.

Derheqê Hemleya Azadîye de  eşkeryayîye ameye dayene û semedê tewrbîyayîşê çalakîyan ame vengdayene. Eşkarîyeye de nê ameyî vatene:

''Bado ke çarçeweya kampanya de xebatî ameyî xurtkerdene CPT mecbur mend ke cewabê mektubanê ma  bido û  ma de pêvînayîş bikero ke çîyo winayên verî nêamebi kerdene. CPTyî 15ê gulane de cewab da ma û vat û ê rewşa Rayberê Şarê Kurdî û tepişteyanê bînan ê ke cayê ey de yê nêzdî ra teqîp kenê. Reyna CPTyî reyde derehqê rewşa Rayberê Şarê Kurdî Abdullah Ocalanî de pêvînayîşêk amebi kerdene.

Zereyê na serre de çarçeweya hemle de avûkat, sîyasetmedar, aktvîst, hunermend, muzîsyen, rêxitinê cinîyan, komayê ciwanan zî tede torrê mîyanneteweyî ameyî pêardene, xeylêk kombîyayîşê çapemenîye, mîtîgn, protesto, çalakîyê roniştişî, çalakîyê standî û semînerî ameyî kerdene.

Serra verêne ya hemle de serekê CPTyî rê 69 kesanê ke Dîyarîya Nobelî girewta zî tede  hetê xeylêk roşnvîr û zanistan mektubî ameyî şawitene.  Nê prosesî de çapemenîya mîyanneteweyî de derheqê meseleya kurdan û tepişteyanê Tirkîya de xeylêk makaleyî ameyî nuştene.

La rixmê heme xîrekterdişê ma tecrîd dewam keno. Coka serrgêra hemle de ganî ma çalakîyanê xo xurtêr bikerê. Mabênê 1-10ê teşrîna verêne de do çalakîyî bêrê kerdene. Ganî semedê şiknayîşê tecrîdî her kes çîyo destê ci ra yeno bikero.

No şerêko entelektuel ê fîkrî yo û bi xurtkerdişê têkoşînî ma eşkenê ser bikewê. Abdullah Ocalan bi serran o binê tecrîdî de yeno tepiştene la rixmê nê şarê kurd û merdimîye canêverdayî, ma zî do ey cameverdê.''