Hemşaredaranê şaredarîyan ê DEM Partî ewro mazbatayê xo girewtî.

Mêrdîn de Hemşaredaran Ahmet Turkî û Devrîme Demîr şarî reyde mazbataya xo girewte. Turkî û Demîre tîya de qisey kerd û xoverdayîşê şarê Wanî selam kerd.

Colemêrg de Hemşaredaranê Geverî Şadîye Kirmizigul û Şoreş Dîrîyî mazbataya xo girewte. Dima înan şarî reyde ver bi merkezê Geverî rayraşîyayîş kerd.

Şirnex de Hemşaredaranê Hezexî Turkane Kayir û Dogan Adibellîyî, Hemşaredaranê Silopîya Jîyane Ormanli û Nadîr Rênas Onukî, Hemşaredaranê Deştadarê yê Hezexî Halîme Îlçîn û Fahrettîn Akmanî, Hemşaredaranê Bajarekê Gundikê Melî Gulsume Atak û Ferît Atuçî zî mazbataya xo girewte.

Qezaya Depe ya Xarpêtî de Hemşaredaran Songule Duzgun û Cafer Ogurî mazbataya xo girewte û şarê Depe rê seba rayanê ci sipas kerd.

Hemşaredaranê Dîgorî yê Qersî Ulkere Ozatîk û Adem Oymanî zî mazbataya xo girewte.