Partîya Demokrasîyî û Têdûştîye ya Şaran (DEM Partî) qezaya Licê ya Amedî rayê tewr zafî girewtbî. Hemşaredaranê Licê Dîyar Dîlek û Firat Demir û endamanê meclîsî ewro Edlîyeya Licê ra mazbatayê xo girewtî.

Hemsereka DEM Partî ya Amedî Pinare Sakik Tekin, Wekîla DEM Partî  Adalete Kaya, Hemşaredarê Licê yo verên Tarik Mercan o ke herinda ci de qeyûm amebi cakerdene û bi seyan kesî tewrê girewtişê mazbatayan bîyî.

Dima ra bi seyan kesî edlîye ra heta şaredarî bi kuwayîşê erbaneyan rayra şîyî. Rayraşîyayîşo rengin verê şaredarî de qedîya. Adalete Kaya tîya qisey kerd. Kaya vat, ''Şarê ke sindoq de îradeyê xo ramojna do paradîgmaya ma zî bîyaro caardene.''

Hemşaredaran Dîyar Dîlek û Firat Demir zî şarî rê spas kerd. Dima ra şar kewt şaredarî