Vizêr qezaya Curnê Reşî ya Riha de weçînayîşê şaredarîye newe ra ame kerdene û namzedê DEM Partî Garîpe Yeşîl û Serhan Paydaş bi rayanê 10 hezar û 730î ser kewtî.

Hemşaredaranê Curnê Reşî Garîpe Yeşîl û Serhan Paydaş verê bînaya partîye de xîtabê şarî kerd.

Garîpe Yeşîl vat: ''Ma pêro roniştoxanê Curnê Reşî rê sipas kenê. Ma xêrê cinîyan ra ser kewtî. No serkewtiş bi taybetî nînan rê fîraz bo.''

Paydaşî vat: ''Ma tecrîdê serê Curnê Reşî wedarna. Hinî tîya de şarî rê do xizmet bêro kerdene. Ma netîceya weçînayîşan zî dîyarîya sîyasetmedar Muhsîn Melîkî kenê ke 30 serrî verî amebi qetilkerdene.''