Hemşaredarê Ebexî Faruk Demîrî rê ke weçînayîşê serra 2014 û 2019î ra dima dest nîya wezîfeyê ci ser, medyaya komelkîye de hesabanê bi nameyê ''JÎTEM'' û ''Kod Adi Yeşil'' ra gef yeno wendene. Hesabî Demîrî rê mesajê ''Ti do bimire'' şawit û vizêr zî fotografêkê kalaşnîkofî şawit.

Demîrî pare kerd ke nê kesî ci rê vanê ke 'Têna bêre, ma yewbînan bivînê' la ey no qebul nêkerd. Demîrî vat: ''Ez şahîdê serranê 1990an a. Ma do têkoşînê demokrasîyî bîyarê ca. Têkoşînê ma dewam keno. Nika ra pey zî ma do gamêke apey nêerzê.''