Hemserekê  Pêroyî yê HDPyî Pervîne Buldan û Mîthat Sancar têhetameyîşanê şarî  yê ke çarçewa  merhaleya hîrêne ya Programê Têkoşînê Demokratîke de ameyî organîzekrdene de qisey kerd.

Pervîne Buldana ke badê Bursa qezaya Ayvalikî ya Balikesîrî de xîtabê şarî kerd vat:  ''Îqtîdarê AKPyî yê 18 serran heqê merdiman û demokrasî binpay kerdî. Seba ke îqtîdarê xo payra verdî şarî fînenî tengayî. Krîzê meseleya kurdî heme şaranê Tirkîya ser o tesîr kena. Ma do rixmê heme hêrişanê înan haştîye bîyarê nê welatî. Hînî heme şaranê Tirkîya rîyê AKPyî yo raşt dîyo ke peynîya ci bîya nizdî. Semedê naye zî îtîfaqo zixm hewce keno. Îtîfaqê demokrasî do peynîya înan bîyaro. Ma do pêro pîya AKPyî ra bixelisîyê. Erdoxan seba ke tengayî anceno tim mîjdananê neweyan dano. Hevîya xo pabesta 7 kat binê erdî. Mîjdana tewr gird ê AKPyî oyo ke îqtîdarî caverdo.''

Mîthat Sancar zî qezaya Bodrumî ya Muxla de xîtabê şarî kerd. Sancarî vat: ''Ma pêro pîya eşkene ke haştîye înşa bikerê. Heta ke ma kede medê, têkoşîn mekerê ma nêeşkenê birese demokrasî û azadîye. Semedê înan zî haştîye hewce kena. Haştîye têna waştîşê HDP û kurdan nîyo. Haştîye qedînayîşê nê îqîtîdarî yo. Îqtîdarê faşîstî pê şerî xo weye kenê. Ma wazenê vengê çekanê bibirnê û şerê 40 serran biqedenê. Ma wazenê meseleya seserran yê kurdî çareser bikerê. Haştî pê waştiş nêbena gerek pê têkoşînê hemparî yê şaran bêro înşakerdene. Ma vanê ke şer qeder nîyo û veng danê muxalefet û dezgehanê komelê sivîlî yê Kurdîstan û Tirkîya  bêrê ma pêro pîya haştî înşa bikerê.''