Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra kişîyayî verê Edlîyeya Riha de lajê xo Ferît Şenyaşarî reyde nobeta edaletî rê dewam kena.

Hemsereka Komeleya Heqanê Merdiman (ÎHD) Erene Keskîn keyeyê Şenyaşarî zîyaret kerd. Keskîne zîyaret de vat: ''Dejê keyeyê Şenyaşarî sey pêro dejanê Kurdîstanî giran o.''

Keskîne îfade kerd ke ê nameyê Mayanê Haştîye ser o nê zîyaretî kenê û vat: ''Seke şima zî zanenê Mayê Şemeyî seba merdimanê xo yê ke dîyayî vînîkerdene, têkoşîn kenê. Ê zî sey Emîne Şenyaşar seba merdimanê xo dejenê. Hem dadîya Gulîstane Doku hem zî Emîne Şenyaşar rixmê serd, varan, vewre kuçeyan de qîrenê. Mayanê Şemeyî seba ke vera serdî îna bipawê kaşkolêke viraşte.''

Keskîne dima kaşkola ke Mayanê Şemeyî viraşta û qerenfîlî dayî Emîne Şenyaşar.