Hemsereka Kongreya Neteweyî ya Kurdîstan (KNK) Zeynepe Murad derheqê hêrişanê dewleta tirke yê vera şarê kurdî de ANFyî rê qisey kerd.

Murade ard ziwan ke çar parçeyanê Kurdîstanî de hêrişî est ê û nê vatî: “Hema zî bi hêzê pîlî yê leşkerî hêrişê herra Kudîstanî kenê. Ma Heyetê Pêroyî yê 22. de tehlukeyê ke est ê înan ser vindertê. Dişmenê ma kaosê Rojhelatê Mîyanênî û dinya semedê çînkerdişê destkewteyanê kurdan sey firsetêkî vîneno. Vera nê sere de partîyê sîyasîyî, dima şarê ma û heme dezgehê ke ma pîya ciwîyene wezîfe û berpisîyarîyê ci est ê.

Ma kombîyayîşê xo de zî vat ma qetî îşxalê Kurdîstanî û qirkerdişê domananê kurdan qebul nêkenê. Eşekera yo ke dişmenê ma semedê nê qerardar o. Ma zî sey şarê kurdî ganî vera nê hêrişan qerardar bi. Ma veng danê partîyanê sîysîyan; nê plan û komployanê vera şarê ma de çirey ca megêrê.”

Ma vînenê ke statuyê Başûr û Rojawanî yeno tehdîtkerdene. Dewletê îşxalkerî Tirkîya, Iran, Surîye û Iraq serekwtiş û wayîrêstatubîyayîşê şarê kurdî hezm nêkenê.  Her çiqas mabênê înan de pêkewtiş zî bibê gama ke qala kurdan yena kerdene Îran û Sûrîye cade Tirkîye reyde pêkerdişan kenê. Nê dewletî semedê çînkerdişê şarê kurdî îtîfaq kenê. Coka ma şarê xo, partîyanê sîyasîyan û dezgehanê komelê sîvîlî ra wazenê ke wa nê raştîyan bivînê û vera ci tewir bigêrê. Nê hêrişî vera heme kurdan yenê kerdene. Ganî ma pêro pîya vera îşxalê Kurdîstanî û çînkerdişê destkewteyanê kurdan vengê xo berz bikerê.”