Amed de şar serkewtişê DEM Partî verê bînaya rêxistine de fîraz kerd.  Hemsereka Pêroyî ya DEM Partî Tulaye Hatîmogullari verê Rêxistina Amedî de xîtabê şarî kerd.

Tulaye Hatîmogullari îfade kerd ke ê bi xoverdayîşî ser kewtê û vat: ''Rayê ma derg bi la ma kedêka pîle daye û bi xurtî ser kewtî. Têkoşînê ma dewam keno. Ganî ma sindoqan terk nêkerê. Nika îqtîdar keno ke bi şîdet û hîleyan Şirnexî ma ra bigêrê. Wa embazê ma nê cayanê krîtîkan terk mekerê. 

Rejîmê qeyûman di dewran Kurdîstanî rê ame ferzkerdene. La şarê ma ancî vat 'ney' û qeyûmî red kerdî. Serranê 90an de zî şarê ma verê kerdişanê JÎTEMî de çok nêdabi erdî ro. Ancî Îtîfaqê JÎTEMî û şerî sindoqan de bin kewt la sîyasetê DEM Partî Tirkîya û Kurdîstan de kamil bi.

Coşê ke 8ê Adare de û Newroze de meydanî dekerdbî weçînayîşan de îradeyê xo mojna. Ez pêro şarê ma rê zaf sipas kena. Siba ra pey karê ma zaf ê. Ma do şaredarîyanê xo apey bigêrê û vera dizdan têkoşînê xo rê dewam bikerê. Bi nê moral û motîvasyonî ma do têkoşînê xo pîlêr bikerê. Jin, Jiyan, Azadî''