Hemserekê DEM Partî Tulaye Hatîmogullari û Tuncer Bakirhan, bi beşdarîya Vervatoxanê Komîsyonê Karanê Teberî Ebru Gunay û Berdan Ozturkî temsîlkaranê dîplomatîkan ê 31 welatan de roniştî. 

Tulaye Hatîmogullari serebûtê Sûrîye ercnayî û hêrişê vera kurdan vistî vîrî. Tulaye vat: ''Ganî statuyê kurdan bişinasîyê.''

Tulaye pare kerd ke birê mehkemeyan ê serê Selahattîn Demîrtaş, Fîgene Yuksekdag, Can Atalay û Osman Kavala ganî bêrê caardene û tecrîdê vera Rayber Apoyî biqedê.

Bakirhanî zî qewimîyayîşê sîyasîyî ercnayî û da zanayene ke şaredarîyê kurdan yenê xespkerdene. Bakirhanî bale ante ser ke seba çareserîya meseleya kurdan rolê Rayber Apoyî zaf girîng o coka wa tecrîd biqedo.