Hemserekê DEM Partî yê Qoserî ame tepiştene
Hemserekê DEM Partî yê Qoserî Abdulkerim Erdem seba ke cezaya ci ya 7 serran û 11 mengan ameye tesdîqkerdene, ame tepiştene.
QIRKERDIŞO SÎYASÎ
Hemserekê DEM Partî yê qezaya Qoserî ya Mêrdînî Abdulkerin Erdem ame tepiştene.
Erdem wexto ke hemşaredarê Dêrik bi derheqê ci de dewa amebî akerdene û bi îdîaya ''endmîya rêxistine'' cezaya 7 serran û 11 mengan dîyayebî ci.
Bado ke ceza hetê Mehkemeya Berzî ra ameye tesdîqkerdene Erdem ame tepiştene û Amed de ame hepskerdene.
Erdem 2016 de amebi tepiştene, 2 serrî û 6 mengî zîndan de mendbi û 2019 de amebi tehlîyekerdene.
