Hemsereka Komeleya Huqûqnasan a Seba Azadîye (OHD) Avûkate Îlknure Alcan derheqê tecrîd û huqûqê taybetî yê Îmraliyî de ANFyî rê qisey kerd.

Îlnure Alcan pare kerd ke eke zîndanan de heqê merdiman yenê binpaykerdene ney verî Îmrali de dest pêkerdo û vat: ''Nê kerdişî Zîndanê Îmraliyî ra vila bîyî. Rejîmê Îmraliyî taybet o û tede huqûq çin o. Destûr nêdîyeno ke Ocalan keye û avûkatanê xo de pêvînayîş bikero, heqê xo yê telefonî bişuxilno. Buroyê Huqûqî yê Asrinî seba pêvînayîşî xîret keno. Tewr peyên 750 avûkatan îmza da û vat ke ganî pêvînayîş bêro kerdene.''

Alcane da zanayene ke OHDyî seba caardişê bira Mehkemeya Heqanê Merdiman a Ewropa (MHME) muracat kerd û vat: ''Înan heta payîzî wext da Tirkîya. Cezaya muebede ya girankerde do nêra caardene. Hînî ê na ceza sey heta mergî anê ca. MHME seba na ceza vana 'Nêbeno tepişteyî heta peynî zîndan de bimanê, na bire ge ge newe ra biercnê.' Huqûq ney rê vano 'heqê hêvîye.' La Tirkîya ney nêana ca. Nê pêro bi rejîmê Îmraliyî yenê ferzkerdene. Tecrîd mîyanê zîndanan û komelî de vila beno. Hukmat keso ke seba haştîye tede pêvînayîşî kerdêne tecrîd keno. No çi hêvîya haştîye ya şaranê Tirkîya zî çin kena.''