Polîsan saetanê serê sibayî de bihawayêkê hemwextî eşt keyeyanê endam û îdarekaranê ESPyî ser. Operasyonê vera ESPyî de tewr tay 10 kesî ameyî destbendkerdene.

Kesê ameyî destbendkerdene nameyê înan wina:  Hemvervatoxê Kongreya Demokratîke ya Şaran (HDK) Sedat Şenoglu, endama Heyetê Rayberdişî yê Merkezê ESPyî Çîçek Otlu, Mustafa Naci Toper, Volkan Uyar, Selver Orman û İlke Başak Baydar, endamê partîye Yucel Karadag, Ozan Ozgenler, Ozancan Sari û İlhan Aslan.

Reyna xebatkarê Ajansê Xebaran ê Etknî (ETHA) Serdal Işik zî çarçewa dosyayêka cîyaye de  ame destbendkerdene.

Kesê ke ameyî destbendkerdene ameyî berdene bi Şubeyê TEMî yê Mudirîya Asayîşê Îstanbulî.