Kurd Pen, Komeleya Nuştoxan a Mezopotamya (MYD), Komeleya Edebîyatkaran ê Kurdan (KED), Komeleya Med û Birca Belek pîya eşkerayîyêke daye.

Heman dezgehî do seba 21ê Sibate Roja Ziwanê Dayîke ya Dinya Amed de bêrê pêser. 

Eşkerayîya hempare de Ziwannas Alî Kerîm Huseînî qisey kerd û pare kerd ke kurdkî cografyaya Rojhelatê Mîyanênî de ziwananê tewr qedîman ra yew a.

Huseînî ard ziwan ke eke ziwanê perwerdeyî kurdkî bibo kurdî do aver şorê. Huseînî venga keyeyan da ke wa domananê xo bierşawê kursanê kurdkî û xebetanê kulturelan. Huseînî îfade kerd ke ganî kurdî pêro war û cayan de bi kurdkî qisey bikerê, weşananê bi kurdkî teqîb bikerê.

Eşkerayîye de ame waştene ke wa kurdî wayîrê ziwanê xo vejîyê.