Hêrişê dewleta tirke ya îşxalkere yê vera Rojawanî erd û hewayî ra bêmabên dewam kenê. Dewleta tirke ya îşxalkere bi droneyê çekdarî hêrişê dewa Emşa Iwêna ya Kobanê kerd. Bombarduman de zafê înan domanî 9 kesî birîndar bîyî. Birîndarî Nêweşxaneyê Kobanê de yenê tedawîkerdene.

Nameyê birîndaran wina yê: Îbrahîm Mihemed Hebeş (13), Rodî Mihemed Hebeş (12), Muslim Yasir Hebeş (13), Mihemed Yasir Hebeş (15), Eyşe Cemal Îsmaîl (28), Huda Salih Hemo (20), Îbrahîm Salih Hemo (17), Ebdullah Îsmaîl Hemo (3) û Ceylan İsmail Hemo (2).

Reyna dewleta tirke û çeteyanê ci yê SMOyî dormeyê Awbendê Tişrînî û dewa Xirbet Xalidî pê teyarayanê şerî dayî bombayan ver. Dewa Koberlikî ya Girê Sipî zî pê teyarayanê şerî ameyî pirodayene. Reyna Kantonê Firatî û Kantonê Cizre de xeylê dewî pê topan û çekanê giranan ameyî bombardumankerdene.