Hunermendo kurd Mazlûm Dorayo ke 2021 ra nata  bajarê Stuttgartî yê  Almanya de zîndan de ameyêne tepiştene, ewro saetanê serê sibayî de ame tehlîyekerdene.

Bi desan kesê ke saetanê serê sibayî ra verê zîndanî de ameyî têhet, bi vilikan, çapik û sloganan Dora verwazî kerd.

Wextê verwazîkerdişî de coş û helê hîsî pîya ameyî ciwîyayene. Dima ra Dora bi konvoyê wesayîtan ame berdene Komeleya Kurdan a Stuttgartî.

Komele de Dora hetê xeylê kesan ra bi coşî ame verwazîkerdene. Hunermend Dorayî qiseykerdişêko kilkm kerd û seba ke têna nêameyo verdayene her kesî spas kerd. Dorayî vat, ''No paştdayîş ramojnayîşo tewr rin yê rûhê yewîya şarê ma yo.''