Şaristananê Freiburg, Marsilya û Stockholmî de hêrişê îşxalî yê dewleta tirke yê vera Herêmanê Pawitişî yê Medya serkêşîya ciwanan de ameyî protestokerdene.

Paytextê Swêdî Stockholmî de serkêşîya Têgêrayîşê Ciwanan ê Şorişgêran (TCŞ) de vera hêrişan mîtîngêk ame kerdene. Mîtîng de alayê PKK, KCK û HPGyî û fotografê Rayberê Şarê Kurdî Abdullah Ocalanî ameyî akerdene. Ciwanan mîtîng de xoverdayîşê gerîlayan selam kerd û eşkerayîye daye. 

Şaristananê Freiburgî yê Almanya de serkêşîya Meclîsê Cinîyan ê Nûda de hêrişê îşxalî ameyî protestokerdene. Çalakîye de eşkerayîyêke ameye dayene û ame vatene ke wa dewleta tirke ya îşxalkere û hemkarê ci PDK bêrê vindarnayene. Cinîyan venga welatanê Ewropa zî da ke wa mebê hemkarê hêrişan. Eşkerayîye ra dima girse dest pê çalakîye kerd. Çalakîye de vera qedexeyê serê PKKyî îmzayî zî arê dîyayî.

Şaristanê Marsilya yê Fransa de bi armancê protetsokerdişê tewirê Yewîya Ewropa yê vera hêrişanê Tirkîya verê Temsîlkarîya Parlamentoyê Yewîya Ewropa de çalakîyêke ameye kerdene. Ciwananê kurdan venga Yewîya Ewropa da ke wa vera hêrişanê kîmyewîyan ê Tirkîya tewirê xo bimojnê.