Seba ke dewleta tirke ya îşxalkera vera Herêmanê Pawitişî yê Medya çekanê qedexeyan şuxulnena çalakîyê şermezarkerdişî dewam kenê. Vizêr xeylêk şaristananê Almanya de kurdîstanijî û dostê înan reyna vejîyayî kuçeyan.

Çalakîya xeyme ya Dusseldorfî ya ke yew hewte ameye domnayene vizêr qedîyaye. Çalakîye de veng dîya dezgehanê mîyanneteweyî yê eleqedaran ke wa şirê Kurdîstan de herinda hêrişanê kîmyewîyan de cigêrayîşan bikerê.

Frankfurt de çalakîya stantî ke perey dest pêkerde vizêr dewam kerde. Çalakîye de derheqê hêrişanê kîmyewîyan ê ke Kurdîstan de yenê şuxulnayene de vilawekî ameyî vilakerdene.

Mannheim de hetê Meclîsê Cinîyan ê Ronahî Bêrîvane ra stant ame kerdene û bale ameye antene sûcanê şerî yê dewleta tirke ser.

Leipzig de zî bi çalîkîyêke veng dîya Rêxistina Qedexekerdişê Çekan ê Kîmyewîyan (OPCW) ke wa vera sûcanê merdimîye yê dewlta tirke wezîfeyê xo bîyaro ca.