Rêxistina HDPyî ya Mêrsînî derheqê hêrişê vera bînaya xo de eşkerayîye daye. Komeleya Hetkarîya bi Keyeyanê Hukmwerdeyan û Tepişteyan a Çukurova (TUAY-DER), Komeleya Huqûqnasan a Seba Azadîye (OHD), Komeleya Heqanê Merdiman (ÎHD) û xeylêk merdimî zî tewrê eşkerayîye bîyî. Eşkerayîye de pankarta 'Tedayî pê ma nêeşkenê' ameye akerdene.

Hemserekanê HDPyî yê Erdemlî Ramazan Sesîguzel û Hoşyare Yildiz eşkerayîye de qisey kerd.

Sesîguzelî îfade kerd ke ê hêrişan ra nêtersenê û vat: ''2016 de zî ma raştê hêrişêkî ameybî. Seba ke faîlî vera dîyayî nê hêrişî dibare benê. No gule erzîya demokrasîya Tirkîya. Ma vizêr zî nêtersayêne, ewro zî nêtersenê. Ma do bi xoverdayîşî ser bikewê.''

Sariyildize pare kerd ke nê hêrişî seba ke HDP biterso yenê kerdene. Sariyildize vat: ''Ma venga pêro muxalîfan danê ke eke ewro şima hetê HDPyî de mebê siba dore do bêra şima.''

Eşkerayîye pê slogan û çepikan qedîyaye.