Kongreya Komelê Demokratîkî (KCD), Partîya Herêmanê Demokratîkan (DBP) û Têgêrayîşê Cinîyan ê Azadan (TJA) derheqê hêrişê vera Temsîlkarîya KNKyî ya Hewlêrî de eşkerayîyêka hempare daye.

Eşkerayîye de ame parekerdene ke dewleta tirke armanc kena ke Rojawan û Başûrê Kurdîstanî bi temamî îşxal bikera û PDK zî paştî dano nê planê îşxalî. Eşkerayîye de ame vîrvistene ke polîsan û leşkeranê dewleta tirke hêrişê çalakîyanê vera PDKyî kerd, wekîlê şarî û dadîyî derb kerdê û bi nê hawayî şirîkîya xo ya bi PDKyî îlan kerda.

Eşkerayîye de ame vîrvîstene ke hêrişê vera Temsîlkarîya KNKyî de welatperwer Denîz Cevdet Bulbun ameyo qetilkerdene û wina ame vatene:  ''Çar hetê Kurdîstanî hetê îşxalkeran ra gerîyayî binê ablûqa. Wextê winayênî de êyê ke herinda paşdayîşê şarê xo de îşxalkeran reyde hemkarîye kenê do hesab bidê şarê ma.Ganî şarê ma vera hemkarîya PDKyî tewirê xo bimojno, dewaya yewîya kurdan bipawo û îxanetî mehkum bikero. Êyê ke hêrişê KNKyî kenê hêrişê îradeyê yewîya neteweyîye kenê, yewîya kurdan ra tersenê û wazenê na yewîye asteng bikerê.''