Paytextê Iraqî Bexdad de di hêrişê xokiştişê ke  ameyî kerdene de nizdê 30 kesan dinyaya xo bedilnaye.

Teqayîşo verêne bazarê Teyaranî de  cayo ke tede kincê şuxulnayeyî yenê rotene de qewimîya. Hela ke der û dorî  ra şar semedê hetkarîye vaz da hêrişkarê bînî bombayê serê xo teqnayî.

Goreyê bîlonçoya Wezaretê Karanê Zereyî tewr tay 28 kesan dinyaya xo bedilnaye û 73 kesî zî birîndar bîyî. Nêweşxaneyî bîyî pirr. Wezaratê Weşîye xebatkaranê weşîye semedê merhaleyê tewr berzî vîstî alarm.

Heta nika hema  hêriş hetê kesêkî ra nêameyo sergirewtene. La hêrişê winayênî hetê DAÎŞî ra ameybî kerdene.  Eynî meydan de hîrê serrî verê cu hêrişêk winayên amebi kerdene û 31 kesan diyaya xo bedilnayebî.

Bexdad de tewr  peyên hezîrana 2019 de hêrişo winayên amebi kerdene.