Nuştox û cigêrayox Sînan Okî rewşa ekonomîke, meaşo asgarî û nîqaşê serê meseleya kurdan ANFyî rê ercnayî. 

Sînan Okî ard ziwan ke sebebanê krîzê ekonomîkî yê serekan ra yew oyo ke çimeyê welatî asayîşî rê yenê xerckerdene. Okî vat: ''Meseleya kurdan bi giranî tesîrê ekonomî kena. Budçeya şerî şarî ra yena girewtene. Her ke şer giran bi meaşo asgarî zî kêmîya.''

Okî dîyar kerd ke proswsê çareserîye seba averşîyayîşê ekonomî firsendanê pîlan dano û vat: ''Mabênê 2012-2014î de meaşo asgarî 500 dolarî ra zafêr bi. La dima ke prosesê çareserîye qedîya 2016 de polîtîkayê asayîşî newe ra kewtî dewre û krîzo ekonomîk ancî qewimîya. Coka çareserîya meseleya kurdan do bi pozîtîfî tesîrê ekonomî bikera. Heta ke meseleya kurdan çareser nêba meseleya meaşê asgarîyî zî çareser nêbena.

Tirkîya eke wazena krîzê ekonomîkî ra bixelisa ganî meseleya kurdan çareser bikera.. No seba demokrasîyî zî şert o. Qebulkerdişê estbîyayîşê kurdan, kurdkî û Kurdîstanî do meseleyan safî bikero.''