Buroyê Huqûqî yê Asrinî serrgêra 22. ya Komployê Mîyanneteweyî de eşkerayîyêke daye û pare kerd ke Sîstemê Tecrîdî yê Îmraliyî eke nêqedo mumkîn nîyo ke krîterê demokratîkbîyayîşê welatî serwer bibê.
Buroyê Huqûqî yê Asrinî serrgêra 22. ya Komployê Mîyanneteweyî de eşkerayîyêke daye. Eşkerayîye bi kilmî wina ya:
''Muwekîlê ma Birêz Abdullah Ocalan 22 serrî yo mîyanê sîstemê tecrîdî yê Îmraliyî de yo. Seke zanîyeno no sîstem sey dewamê komployî ame awankerene û ewro zî yeno caardene û xo vurna dezgehêkê îşkenceyî.
Zîndanê Îmraliyî de qanûn, birê Mehkemeya Heqanê Merdiman a Ewropa û Mehkemeya Qanûnê Bingeyî, raporê CPTyî yenê binpaykerdene. Heqê pêvînayîşê avûkat û keyeyan, girewtişê kitab, kovar û mektuban ûsn sey polîtîkayêka şantajî yenê ercnayene. Heqê telefonî zî mîyanê 22 serran de rayêke dîya.
Kerdişanê tewr giranan ê Zîndanê Îmraliyî ra yew zî tecrîd oç Têkilîya Birêz Ocalanî bi teberî bi temamî ameye birnayene. Nika zî 27ê nîsana 2020î pêvînayîşê telefonî ra nata tira xeberêke nêna girewtene.
Sîstemê tecrîdî yê Îmraliyî pêro komelî rê yeno ferzkerdene. Nê wextî de ke tecrîdo mutlaq est atmosferê huqûq û sîyasî yê welatî verê çiman de yo. Sey serranê peyênan vera tecrîdê Îmraliyî grevê vêşanîye reyna dest pêkerd. Sîstemê Tecrîdî yê Îmraliyî eke nêqedo mumkîn nîyo ke krîterê demokratîkbîyayîşê welatî serwer bibê. Nê esasî ser o ma venga beşanê eleqedaran danê ke seba wedaritişê sîstemê tecrîdî yê Îmraliyî têbigêrê.''
