Goreyê eşkerayîya ke Komîteya Vergirewtişê Îşkenceyî (CPT) ya Konseya Ewropa sîteyê xo yê fermî de bare kerde heyetê înan mabênê tarîxanê 13-22ê sibata 2024î de zîndanê Tirkîya zîyaret kerdî la nêşi Îmrali.

Goreyê eşkerayîye meqamanê eleqedaran reyde bitaybetî derheqê temasê dinyaya teberî de tay babetê rewşa tepişteyanê Îmraliyî zî ameyî rojdem. Derheqê Îmraliyî de bêro qiseykerdene zî qala zîyaretê Îmraliyî nîna kerdene û xora listeyê zîndananê ke ameyî zîyaretkerdene ra zî yeno famkerdene ke Îmrali nêameyo zîyaretkerdene.

Eşkerayîye de ame vatene ke heyetî Wezîrê Edaletî Yilmaz Tunç, Hetkarê Wezîrê Edaletî Ramazan Can û Mudirê Pêroyî yê Ceza û Keyeyanê Tepişteyan  Enis Yavuz Yildirim û Wezîrîya Edaletî û Wezîrîya Karanê Teberî ra selahîyetdran reyde pêvînayîşî kerdî.

Reyna ame vatene ke temsîlkaranê dezgehanê komelê sîvîlî yê ke waranê ke CPTyî eleqedar kenê de falîyet rayra benê, înan reyde zî pêvînayîş ameyî kerdene.

Heyetî peynîyê zîyaretan de çimdarîyê xo yê verênî teqdîmê selahîyetdaranê tirkî kerdî.