Heyetê DEM Partî yo ke Hemsereke Tulaye Hatîmogullari, Vervatoxe Ayşegule Dogan, Hemvervatoxa Komîsyonê Têkilîyanê Teberî Berdan Ozturk, Hetkara Hemserekanê Pêroyîyan Ozleme Gunduz, Temsîlkarê Strasbourgî Fayîk Yagizay û Temsîlkarê Brukselî Eyyup Doruyî ra yeno pê, mabênê 30ê êlule û 3yê teşrîna verêne de Strasbourg de pêvînayîşê dîplomatîkî kerdî.

Heyet tewrê kombîyayîşê Koma Çepe ya Meclîsê Parlamenteran a KE bi. Tulaye Hatîmogullari tîya de qisey kerd.

Heyetî Dîrektorê Têkilîyanê Teberî û Sîyasî yê KE, Serekê Komîteya Teqîbkerdişî, Serekê Koma Keskan û Sosyal-Demokratan, Serekê Pêroyî yê KE Alain Berset û Dîrektorê Karanê Huqûqîyan û Heqanê Merdiman ê KE Gianluca Esposito de pêvînayîşî kerdî.

Buroyê Çapemenîye yê DEM Partî pêvînayîşan de pare kerd ke Tirkîya biranê Mehkemeya Heqanê Merdiman a Ewropa nêana ca, Îmrali de tecrîdêkê giranî ana ca.

Pêvînayîş de ame îfadekerdene ke xîretê DEM Partî seba ke têkilîyê mabênê Tirkîya û welatanê endamanê KE ganî şefaf bibê do dewam bikerê.

Heyetî Strasbourg de weçînitoxanê DEM Partî de kombîyayîş kerd û serebûtê Tirkîya û herême ercnayî.