Problemê macîran o ke sînorê Belarus-Polonya de qewqimîyeno dewam keno. Kongreya Neteweyî ya Kurdîstanî (KNK) vizêr dabi eşnawitene ke ê do heyetêk bişawê herême.

Serkêşîya Hemserekê KNKyî  Ahmet Karamusî de heyetêk şi resa sînorê Belarus-Polonya ke tede krîzê merdimîye yena ciwîyayene. Heyeto ke xeta sînorî de macîran rede ame têhet problemê macîran goştarî kerdî. Heyet plan keno ke selahîyatdaranê Belarus-Polonya de pêvînayîş bikerê û derheqê çareserkerdişê rewşa macîran qisey bikero.