Taxa Turgut Ozalî ya qezaya Hezexî ya Şirnexî de DEM Partî çarçewa xebatanê weçînayîşan de şayîya şarî viraşte. Hemvervatoxa DEM Partî Ayşegule Dogan, wekîla DEM Partî Newroze Uysal, namzedê Şaredarîya Hezexî Dogan Adibellî û Turkan Kayir zî tewrê şayîye bîyî.

Şayîye de Ayşegule Dogan qisey kerd û waşt ke wa şar wayîrê sindoqan vejîyo. Dogane vat: ''Ê vanê qey şarê kurdî şîyar nêbîyo coka hema zî dek û dolaban kenê. Bi hîleyan wazenê ke îradeyê kurdan xesp bikerê la hol bizanê ke kurdê ke xapîyenê nêmendê. Wext wextê jin jiyan azadî yo. Ganî şarê ma 31ê adare de wayîrê îradeyê xo vejîyo.''

Şayîye de Koma Hezexî vejîyaye sehne ser. Şayîye bi slogananê sey ''Jin, Jiyan, Azadî'' qedîyaye.